Le contravvenzioni

- «Me ripiatto le ove? Scherzerà !
- A dess con una guardia - oh questa è bella!
Mo che denunzia scritta? Vadi la'
Che ci han dato da bere una storiella.

Per sua regola e norma non son quella
Che facci della roba che non va;
E al pol guardar in cà, e fora d' ca'
E, se credde, anche sotto a la stanella!» -

E lui stizzito al m'agguantò pr' un brazz
E se an foss sta mì'fiola, povra me,
Am cundeseva dretta so in Palazz!

Me a crèdd ch'ai seppa sta quél mascalzòn
Di mio gènnero, a farm' un scherz acsè!
Lo al n'è cuntèint s'an m'ha mandà in persòn!

(A. TESTONI)